August 29, 2006
Tourism Corporation Bonaire Press Release (Papiamentu)

Nochi a Bai Hulanda, Pinta I Regresa Boneiru

Nochi Koffie a hasi un tremendo presentashon resientemente na Hulanda, unda ela terminá su proyekto na Lucas Diving na Hulanda ku hopi eksito. E tabata tin diferente kòmbersashonnan ku diferente hende, inkluyendo diferente medionan di prensa. Tantu Nochi komo señor Lucas, doño di Lucas Diving, i e patrosinadònan a keda masha satisfecho i kontentu ku e forma ku e trabou a keda hasi i e resultado final. Hopi tabata esnan ku a bin mira Nochi durante di su trabou i atmirá e diferente fasenan di e trabou.

TCB kier a yama Nochi hopi pabien ku e trabou ekstraordinario ku ela realisá na un tera ku ela bishita pa promé biaha. No ta fásil pa yega na un lugá straño, adaptá bo mes, duna un resultado fuera de lo normal i saka kara di e pueblo Boneriano manera Nochi a hasi.

Nochi pabien!